काठमाडौं । माइबेनी मेलाको झझल्को दिने गरि इलाम बिकाश समाजले काठमाडौको अनामनगरमा माघे सन्क्रान्ती मेलाको आयोजना गरेको छ । कार्यक्रम पुर्व सभामुख तथा एमाले बरिष्ठ नेता सुवास नेम्वाङ्गको प्रमुख आतिथ्यमा भएको थियो ।
कार्यक्रममा काठमाडौमा इलामबाट आएर विभिन्न क्षेत्रमा कार्य गर्ने व्यवसायी, कर्मचारी, पत्रकार, राजनीतिज्ञ, समाजसेवी साहीत्यकार इलामेलीहरुको ठूलो संख्यामा उपस्थिति रहेको थियो ।
इलामबाट काठमाडौं आएका इलामेलीहरुको जमघट, भेटघाट हुने तथा इलामको विकासका लागि छलफल गर्ने एउटा प्लेटफर्म बनोस भन्ने उद्देश्यले यो कार्यक्रमको आयोजना गरिएको समाजका अध्यक्ष राधेश्याम लेकालीले बताउनुभयो ।
यसैगरी पुर्वसभामुख नेम्वाङ्गले यस्ता कार्यक्रमले आफ्नो जन्मक्षेत्रसँगको सम्बन्धलाई धुमिल हुन नदिने भएकोले यस्ता कार्यक्रम बेलाबखतमा भैरहनुपर्ने विचार समेत व्यक्त गर्नुभएको थियो । कार्यक्रममा सेलरोटी, तरुल तथा घिउ चाकु खाने कार्यक्रम पनि रहेको थियो ।
Mridaya – Online Shopping in Nepal
