काठमाडौँ, १८ चैत: धितोपत्र बजारमा आज शेयरको मूल्य दोहोरो अंकले ओरालो लागेको छ ।
नेपाल स्टक एक्चेञ्जका अनुसार नेप्से परिसूचक २४.०५ अंकले ओरालो लागेर एक हजार १९६.२४ बिन्दुमा पुगेको छ ।
यस्तै ‘क’ वर्गका शेयरको मापन गर्ने सेन्सेटिभ परिसूचकसमेत ५.१९ बिन्दुले ओरालो लागेर २५५.६९ बिन्दुमा पुगेको छ ।
आज कूल १५७ कम्पनीको १२ लाख ८३ हजार १३ कित्ता शेयर रु ३१ करोड २३ लाख ९४ हजार ३७९ मूल्यमा कारोबार भएको स्टकले जानकारी दिएको छ ।
आज सबै उपसूचकको मूल्य ओरालो लागेको छ । बैंकिङ २२.०१, होटल २७.२९, विकास बैंक ३६.१, जलविद्युत् ३७.१४, वित्त ७.१७, बीमा १४८.७७, उत्पादन १५, अन्य ५.६७, माइक्रोफाइनान्स २६.२४ बिन्दुले ओरालो लागेको छ ।
शेयर बजार खासै संबोधन नभएकाे श्वेतपत्रमा शेयर बजार सतही भएको र पारदर्शीता नभएको उल्लेख थियो। अझ ढुकुटी नै रित्तो रहेको श्वेतपत्रमा उल्लेख भएपछि शेयर बजार ओरालो लागेको हो।
अर्थमन्त्री डा.युवराज खतिवडाले पूँजी बजार सतही र पारदर्शीताको अभाव रहेको बताएका थिए।
